زموږ په اړه

د پرنیان روزنیز مرکز او د بیا رغونې مؤسسه (PTCRO) یوه غیر دولتي، غیر سیاسي او غیر انتفاعي عامه رفاهي اداره ده چې د بشري بیړنیو مرستو، پرمختیا او د افغانستان د بیا رغونې لپاره وقف شوې ده.

د پرنیان روزنیز مرکز او د بیا رغونې مؤسسه په ۲۰۰۳ کال کې تأسیس شوې او د ۲۰۰۶ کال د مې میاشتې په ۱۱مه نېټه د افغانستان د اقتصاد وزارت سره رسمي ثبت شوې ده. دا اداره نږدې دوه لسیزې تجربه لري چې د هېواد په کچه د پرمختیایي او بشري اړتیاوو په پوره کولو کې کار کوي.

د پرنیان روزنیز مرکز او د بیا رغونې مؤسسه د بشري ناورینونو، لکه وچکالۍ ته د غبرګون او د طبیعي آفتونو د مخنیوي ته ژمنه ده او د ټولنې پر پرمختګ باندې تمرکز لري. دا مؤسسه هڅه کوي د کار زمینه برابره کړي او د عوایدو د پیدا کولو پروګرامونه پلی کړي، څو ځوانان، ښځې، داخلي بې‌ځایه شوي کسان، راستنېدونکي، کوربه ټولنې او د کلیوالو زیان منونکي قشرونه پیاوړي شي.

دا اداره له ټولنیزو بنسټونو، سیمه‌ییزو مشرانو او نړیوالو شریکانو سره په همکارۍ داسې پروګرامونه پلي کوي چې هم فرهنګي حساسیت ولري او هم اغېزناک وي.

PTCRO د پرنیان روزنیز مرکز او د بیا رغونې مؤسسه  د پرمختیايي او بشردوستانه همغږۍ له معتبرو شبکو او ټولنو سره غړیتوب لري، چې پکې UNDP، SHAPE TPP، ACBAR او د افغان ښځو شبکه (AWN) شامل دي. دغه مؤسسه تر دې دمه په بېلابېلو برخو کې له ۴۰ زیات پروژې تطبیق کړې دي، لکه ساختماني پروژې، زده‌کړې، د ژوندانه وسایل، کرنه، د ماشومانو ساتنه، روغتیا، اوبه او حفظ‌الصحه (WASH)، بیړني سرپناهونه او غیر خوړنی توکي، چې په ۲۴ ولایتونو کې تطبیق شوي دي.

PTCRO له معتبرو تمویلوونکو سره همکاري کړې ده، چې پکې USAID، UNICEF، UNDP، UN Women، UNOPS، UNFPA، IOM، Good Weave USA او AWRC شامل دي. د پرمختیایي او بشري پروژو په بریالۍ تطبیق سره، دا اداره د افغانستان د خلکو سره ژمنتیا او د بیړنیو اړتیاوو د پوره کولو ظرفیت لري.

د پرنیان روزنیز مرکز او د بیا رغونې مؤسسه د خپلو پروژو د تطبیق پر مهال د بشردوستانه اصولو لکه انسانیت، بې‌طرفي، نه‌جانبداري او خپلواکۍ ته ژمنه ده.