د کابل ولایت کې د ښځو لپاره د معیشت او عایداتو د جوړولو فعالیتونه، د ملګرو ملتونو د پرمختیایي پروګرام (UNDP) لخوا تمویل شوي

دغه پروژه د کابل ولایت د ده سبز ولسوالۍ د بزګرانو د ظرفیت لوړولو او د بې‌وزلۍ د کموالي لپاره تمرکز کړی و. په دې پروژه کې ښځو ته د لمر وچوونکو ماشینونه برابر شول، تر څو هغوی وکولای شي چې مېوې او سبزيجات د فصل په منځ کې وچ کړي او د فصل نه‌شتون په وخت کې په لوړ قیمت وپلوري. د دغو ماشینونو ترڅنګ نور لوازم هم برابر کړل تر څو د خوندیتوب او حفظ‌الصحه لپاره مرسته وشي. دغه ماشینونه کولی شي روميان، انګور (د کشمش لپاره)، زردالو، پیاز، مڼې او شنې پاڼې لرونکې سبزيجات وچ کړي.

د دې پروژې موخې دا دي:

• د کلیوالو ښځو لپاره د معیشت پراختیا او د عوایدو ایجاد ملاتړ کول
• د کلیوالو ښځو پوهه او مهارتونه په کرنه، حاصلاتو راټولولو، پروسس او ذخیره کولو کې لوړول
• د کلیوالو او ښاري څنډو کې د ښځو د خوړو امنیت او اقتصادي زغم ښه کول

• پیل نېټه: 2023-11-15
• د پای نیټه: 2024-05-15